TVM MADAVELI DHAAIRAA BAHUS

އެންމެހާ ލޮބުވެތި ރައްޔިތުންނޭވެ. މާދަމާ 29 އާޕްރިލްވާ ބުދަ ދުވަހުގެ ރޭގަނޑު 10:30 ގައި މަޑަވެލި ދާއިރާގެ "ޓީވީއެމް ދާއިރާ ތަކުގެ ބަހުސް" އޮންނާނެއެވެ. ވީމާ މަޑަވެލި ދައިރާގެ ރައްޔިތުންގެ ހައްގުތަށް ހޯދައިދިނުމަށް މިފަހަރު ކެރިގެން ނުކުތް ރައްޔިތުންގެ މިނިވަން ކެންޑިޑޭޓް އަލްފާޞިލް އަބްދުއްﷲ މުޙައްމަދުގެ ހުރިހާ ސަޕޯޓަރުންނަށް މިބަހުސް އަށް ވަޑައިގެން އަބްދުއްﷲ މުޙައްމަދަށް ސަޕޯޓް ކުރުމަށް ގޮވާލަމެވެ.

ހަމައެހެންމެ މިބަހުސް ބެލުމަށްފަހު ވެސް ތިޔަބޭފުޅުން ރަނގަޅު ކެންޑިޑޭޓަކު މިނެކިރާ އުސޫލުން، މިނެ ކިރައި މިދާއިރާ އަށް ކުރިމަތި ލައްވާފައިވާ އެންމެހާ ކެންޑިޑޭޓުންގެ ތެރެއިން ހަމަ އެއްމެ ރަންގަޅު ކެންޑިޑޭޓަކު އިހްތިޔާރު ކުރުމަށް ނަސޭހަތްތެރިވަމެވެ.

އަބްދުއްﷲ މުހައްމަދު، މިފަހަރު މަޖިލީހަށް މިކުރިމަތިލީ ސަރުކާރު އެބައެއްގެ މަތިން ހަނދާން ނެތިފައިވާ މަޑަވެލި ދާއިރާގެ އެންމެހާ ފަރުދުންގެ ހައްގުތަށް ހޯދުމަށް ވަކާލާތު ކުރާ މުރައްބީ އެއްގެ ގޮތުގައެވެ.

އަބްދުއްﷲ މުޙައްމަދަކީ، ތިޔަބޭފުޅުން އަދި ކިއެއްތަ!... މުޅިރާއްޖެ ފަހުރުވެރިވާނޭ ފަދަ ކެންޑިޑޭޓަކަށް ވާނޭ ކަމާމެދު ޝައްކެއް ނެތެވެ.!!!

މަޑަވެލި ދާއިރާގެ އެންމެހާ އެކުލުންވަންތަވެރި ރައްޔިތުންނޭވޭ! ލޯހުޅުވައިލަމާ ބަހީއެވެ! މިކަލެ ހޮވަނައު އަބްދުއްﷲ މުހައްމަދެވެ...!

އަބްދުއްﷲ މުހައްމަދުގެ ކެންޑިޑޭޓް ނަންބަރަކީ 5 (ފަހެއް) ކެވެ.

He is the best...
Go vote ABDULLAH MOHAMED..
Candidate No: 5

Madaveli dhaairaage candidatunge therein emme gina meehunge ithubaaraai loabi libifaivaa candidate...

Veythuvedhiya thaagai ves thiya beyflhunge hidhumathugai.... adhives ..dhn ves...

Rayyithunge majileehugai madaveli dhaairaage adu ufulumah...Abdullah Mohamed ah Vote dhevvaa

LETS BE INDEPENDENT....

މިނިވަން ކެންޑިޑޭޓުންނަށް ވޯޓް އަޅަމާތޯއެވެ.

ރާއްޖެ ދެކެމުން މިދާ ސިޔާސީ އޮއެވަރުގެ ތެރޭގައި ތަފާތު ރަހަ ތަކާއި ތަފާތު ކުލަތަށް ދަނީ ފެންނަމުންނެވެ. އެކިފަހަރު އެކިފަހަރު އެކި ގޮތްގޮތަށެވެ. އެއްބަޔަކު އެގޮތް ބުނިއްޔާ އަނެއްބަޔަކު ބުނާނީ މިގޮތެވެ. އެބަޔަކު މަޖީދީމަގުން ހިނގައިފިނަމަ އަނެއްބަޔަކު އިޙްތިޔާރު ކުރަނީ އަމިނީމަގެވެ. މަޖީދީމަގު އިޙްތިޔާރު ކުރިމީހުން ދެކެނީ އަމީނީމަގު އިހްތިޔާރު ކުރިމީހުން ގަމާރީ ކަމަށެވެ. އަމީނީމަގު އިޙްތިޔާރު ކުރިމީހުން ދެކެނީ މަޖީދީމަގު އިޙްތިޔާރު ކުރި މިހުންނަށް ތަންދޮރު އޮޅުން ނުފިލަނީ ކަމަށެވެ. ކޮންމެ ޕާޓީ އަކުން ވެސް ވާހަކަ ދައްކަނީ އެބަޔެއްގެ މަސްލަހަތަށެވެ. ގައުމުގެ މަސްލަހަތު ނުވަތަ ރައްޔިތުންގެ މަސްލަހަތަށް ވިސްނަނީ ކާކު ހެއްޔެވެ؟
ނިމިގެންދިޔަ ރިޔާސީ އިންތިހާބަށް ބަލައިލަމާތޯ އެވެ. ބައެއްމީހުނަށް ހައިރާންކަން ގެނުވި ނަތީޖާ އަކާ އެކު ވެސް އިންތިހާބު ކާމިޔާބު ކުރީ ކެނެރީގޭ މުޙައްމަދު ނަޝީދު އެވެ. މި ދެންނެވެވި ހައިރާންކަން ލިބުނު މީހުންނަކީ އެމީހުންގެ އަމަލާއި ބަސް ދިވެހި ރައްޔިތުންގެ ޕާޓީއާ ދިމާލަށް ހުއްޓިފައި ތިބި މީހުންނެވެ. އެބައިމީހުންގެ ސިކުނޑީގެ ތަންފުކެއްގައި ވެސް "ނާކާމިޔަބު"، "ބަލި"، "ފެއިލް" މީގެން ބަހެއްވެސް ނެތެވެ. އެހެން ވީމައެއް ނޫންތޯއެވެ. "ދިވެހި ބަހުގައި "ކ" މި އަކުރު ވާނަމަ ހޮވޭނީ ހޮވާނީ މައުމޫން އަބްދުލް ގައްޔޫމް އެވެ. ދިވެހި ބަހުގައި އަދި ވެސް ކާފު މި އަކުރު އެބަ އޮތެވެ. ހޮވުނީކީ މައުމޫން އަބްދުލް ގައްޔޫމް އެއް ވެސް ނުމެ ނޫންމެއެވެ.
އަޅުގަނޑު މަތްލަބަކީ ރައްޔިތުންގެ ޕާޓީގެ އުނި ވާހަކަ ދެއްކުމެއް ނޫނެވެ. އަދި އެހެން ޕާޓީ އެއްގެ އުނި ވާހަކަ ދެއްކުމެށް ވެސް ނޫނެވެ. ރިޔާސީ އިންތިހާބުގައި ރައްޔިތުންގެ ޕާޓީ އިން ދައްކަމުން ދިޔަ މިފަދަ ވާހަކަ ތަކަށް އެންމެ ފާޅުގައި ރައްދު ދެމުން ދިޔައީ އެންމެ ބޮޑު އިދިކޮޅު އެއް ޕާޓީ ކަމުގައިވާ ޑިމޮކްރެޓިކް ޕާޓީއިން ނެވެ. ނުވަތަ ރައްޔިތުންގެ ޕާޓީގެ މިހުންގެ ވިސްނުމާ އިނދިކޮޅު ޙިޔާލުގެ މީހުންނެވެ. ފެށުމުގައި ޑިމޮކްރެޓިކް މީހުނަށް ވެފައި ފަހުން "އިއްތިހާދީ" މީހުންނެވެ. މިބައި މީހުންގެ ދިފާއުގެ ބަހަކީ "30 އަހަރެވެ"، "ޙުދުމުހްތާރު ވެރިކަމެވެ" އަދި "ކޮރަޕްޝަނެވެ". ދެރަނުވާންވެގެން ރައްދުގައި ދެންތިބި މީހުން ބުނެއެވެ. "ރާބޯ އަންނި އެވެ"، "ކުރިސްޓިއަން ދީނެވެ" އަދި "މިސްކިތްތަކުގައި ބަންގިގޮވުން ހުޓުމަށެވެ.". ފެނިގެން ދަނީ ކޮން ކަމެއް ތޯއެވެ! ދެބަސްވުމާއި އަރައިރުމެވެ.
ބައެއް މިހުން ދެކޭ ގޮތުގައި ރާއްޖެ އަށް ޕާޓީ ސިސްޓަމް ތައާރަފް ވެފައި ވަނީ އޭގެ އެންމެ ހަޑި ގޮތުގައެވެ. ޕާޓީ ސިސްޓަމް އޭގެ ޒާތުގައި އޭއްޗަކީ ހަޑި އެއްޗެއް ކަމަށް އެއްބަޔަކު ދެކޭއިރު، އަނެއް ބަޔަކު ބުނަނީ އޭއްޗަކީ ހަޑި ވާން ޖެހޭވެސް އެއްޗެކެވެ، ޕާޓީ ސިސްޓަމް ރިވެތި ސިސްޓަމެށް ކަމަށް ދެކޭ މީހުން ދޮގު ކުރަމުންނެވެ. ނަމަވެސް ޕާޓީ ސިސްޓަމް ކޮންމެ ގޮތަކަށް އުފަން ވިއަސް މައްސަލަ އެއް ނެތެވެ.
އަޅުގަނޑު ރައީސް ކަމަށް ކުރިމަތި ލާނަމަ އަޅުގަނޑު ކުރިމަތިލާނީ ޕޮލިޓިކްސް އެއީ ރިވެތި އެއްޗަކަށް ހަދަމުންނެވެ. ތިޔަބޭފުޅާގެ ހިޔާލާ އަޅުގަނޑުގެ ހިޔާލު މިކަމުގައި ތަޢާރުޒު ވާގޮތް ވެސް ވެދާނެއެވެ. ކެނެރީގޭ މުޙައްމަދު ނަޝީދު ބުނާ ގޮތުން އެނާ ވެރިކަން ހޯދުމުގައި ގެންގުޅުނީ ޑިންޑިންކޮއެލީގެ އުސޫލް އެވެ. ހަމައެހެންމެ ބައެއް މީހުން ގަބޫލް ކުރާގޮތުގައި ކާމިޔާބުވާން އެދޭނަމަ ޕޮލިޓިކްސްގެ ހަޑި ރޯލް ކުޅެން ކޮންމެހެން ވެސް ޖެހޭނެ އެވެ. ސިޔާސީ ޕާޓީތަށް ހެދިފައި ވަނީ ތަފާތު ސިޔާސީ ހިޔާލު ތަކުގެ މައްޗަށެވެ. މަޖްލީހަށް ވަކި ސިޔާސީ ޕާޓީ އެއްގެ މީހަކު ހޮވުނީމައި އެމީހާގެ ވާހަކަތަށް ބޮޑަށް ބައްޓަން ވެފައި ހުންނާނީ އެ ޕާޓީ އެއްގެ ސިޔާސީ ފިކުރުގެ މައްޗަށެވެ. އެނާ އިންޓެންޝަން ނުވަތަ ގަސްތު ބިނާ ކޮށްފައި ވާނީ އެޕާޓީގެ ސިޔާސީ ވިސްނުމާއި ފިކުރު ތަށް ކުރިއަށް ނެރުމަށެވެ. މިއީ މަޖިލީހުގައި ކަންތަށް ވާ އުސޫލެއް ނޫން ހެއްޔެވެ. އެމްޑީޕީ އިން އެމީހުންގެ މަސްލަހަތެވެ. ޑީއާރުޕީ އިން އެމީހުންގެ މަސްލަހަތެވެ. ނިކަމެތި ރައްޔިތުން ތިބެން މި ޖެހެނީ އެކުޅޭ ކުޅި ގަނޑު ބަލާށެވެ.
ފިހާރައަކަށް ދޮންކެޔޮ ވަކެށް ގަންނަން ގޮސް އެއްފަޅި ކާލައިފައި އޮތް ދޮންކެޔޮ ވަކެށް ގަންނަން ތިބާ އަށް އެއްބަސް ވެވޭނެ ހެއްޔެވެ. ނުވެވޭނެ އެވެ. ސަބަބަކީ ތިބާ އަބަދު ވެސް ބޭނުން ވާނީ ފުރިހަމަ އެއްޗެއްސެވެ. ޕާޓީ އެއްގެ ޓިކެޓުގައި ކެންޑިޑޭޓެއް މަޖިލީހުގެ އިންތިހާބަށް ކުރިމަތި ލާއިރު ވެސް އޭނާގެ އެއްފަޅި އެވަނީ ވިކިފައެވެ. ކުރިން ދެންނެވި ދޮންކެޔޮގެ އުސޫލުން ބަލާއިރު އެ ކެންޑިޑޭޓެއްގެ އެއްފަޅި އެވާނީ ކާލެވިފައެވެ.
މިކަމުގެ ނަތިޖާ އަކަށް ވާނީ މިނިވަން ކަމާއެކު މަޖިލީހުގެ ގޯތިތެރޭގައި އެމީހަކަށް ވާހަކަ ނުދެކެވުމެވެ. މިނިވަން ކަމާއެކު ވާހަކަ ނުދެކެވޭ ކެންޑިޑޭޓް އަކަށް ރައްޔިތުންގެ ހައްގުގައި ކުރެވޭނީ ކޮން ވަކާލާތެއް ކަމާ މެދު ޙުދު އަލުގަނޑުގެ ނަފްސު އަޅުގަނޑުގެ ޒަމީރާ ސުވާލު ކުރެވެ.
މިއާ ޙިލާފަށް އަމިއްލަ ކެންޑިޑޭޓުންނަކީ އެއްވެސް ބާރެއް ނުފޫޒެއް ނެތި މަޖީލީހުގައި ވަކާލާތު ކުރެވޭނެ މީހުންނެވެ.
މަޖިލީހަށް ޕާޓީތަކުން ކުރިމަތިލާ ބައެއްމީހުންގެ ދުނިޔަވީ އެހެން ބޭނުމެއްވެސް އެމީހުންގެ ފަހަތުގައި ވެއެވެ. ކޮންމެ މީހަކު ވެސް ބޮޑު މަގާމަކާއި ބޮޑު މުސާރަ އެއް ބޭނުން ވާނެއެވެ. މިގޮތުން މަޖިލީހުގެ މެމްބަރެއްގެ މަގާމަށް އޮންނަ ދަހިވެތި ކަން ބޮޑު ކަމުން ވެސް ބައެއްމީހުން މިމަގާމަށް ނަން ހުށަހަޅައެވެ. މިފަދަ މީހުން އަމިއްލަ ޖީބުން ހުރިހާ ފައިސާ އެއް ނުފޮނުވުމުގެ ބޭނުމުގައި ކުރިމަތި ލަނީ ކޮންމެވެސް ޕާޓީ އެއްގެ ޓިކެޓުގައެވެ. ޕާޓިގެ ފަރާތުން ލިބޭ ފަސޭހަ ތަކާއި އެލަވަންސް ތަށް ވެސް ލިބޭނެ ތާ އެވެ.
ދިވެހިންނަށް ހެޔޮގޮތް ވުމަށް ދިވެހިން އެދިގެން މިފަހަރު ރައްޔިތުންގެ އަޑު އުފުލުމަށް މަޖިލީހުގައި ވަކާލާތު ކުރަން ތައްޔާރު ވެގެން ތިބި މިނިވަން މުސްތަގިއްލު އަމިއްލަ ކެންޑިޑޭޓުންނަށް ވޯޓް އަޅަމާތޯއެވެ. !
ދިވެހިންގެ ދަރިންގެ މުސްތަގުބަލު އުޖާލާ ކުރުމަށް މަޖީލީހުގައި މިނިވަން ކަމާއެކު ވާހަކަ ދައްކަން މިނިވަން ކެންޑިޑޭޓުންނަށް ފުރުސަތު ދެމާ ތޯއެވެ..!
އަހަރެމެންގެ ހައްގުތަށް ހޯދައި ދިނުމަށް މިނިވަން ކަމާ އެކު ބަހުސް ކުރަން އަމިއްލަ ކެންޑިޑޭޓުންނަށް އަހަރެމެންގެ ވޯޓް އަޅަމާ ހިންގާށެވެ.

Welcome dear supporters....

ޢަބްދުއްﷲ މުޙައްމަދުގެ އެހީތެރިންނަށް ވުމަށް މަރުހަބާ...!
މަޑަވެލި ދާއިރާގެ ( މަޑަވެލި، ހޯޑެއްދު، ނަޑެއްލާ އަދި ތިނަދު އިން ބައެއް) ރައްޔިތުންގެ ތެރެއިން، ރައްޔިތުންގެ މަޖިލީހުގެ މަޑަވެލި ދާއިރާގެ މެމްބަރުކަމަށް ހޮވުމަށް އަބްދުﷲ މުޙައްމަދު ކުރަމުން ގެންދާ މަސައްކަތުގައި، އަމަލީ ގޮތުން އެއްވެސް ދައުރެއް އަދާ ކޮށްދެވެން އޮތް ނަމަ، އެފަދަ ކޮންމެ ބޭފުޅަކަށް ވެސް އަބްދުއްﷲ މުހައްމަދުގެ ޓީމުން ވަރަށް އިޚްލާސްތެރި ކަމާއެކު ހެޔޮހިތުން މަރުހަބާ ކިޔަމެވެ.
ހަމަ ކޮންމެ ފަރުދަކީ ވެސް ކޮންމެވެސް ހިދުމަތެއް ކޮށްދެވިދާނެ މީހެއްކަމަށް ގަބޫލް ކުރަމުންނެވެ.
އަޅުގަނޑުމެންގެ ގޮވާލުމަށް އިޖާބަ ދިނުމަށް އަބްދުއްﷲ މުޙައްމަދުގެ މާލޭ ކެމްޕެއިން އޮފީހާ ގުޅުއްވާށެވެ.
ފޯން: 7791141
am4pm@live.comއީ މެއިލް:
ތިޔަ އެންމެ ބޭފުޅުންގެ އެހީފުޅު ތަކަށް މަރުހަބާ ކިޔަމެވެ......

Candidate No:

Why Should We Elect ABDULLA!

* He is a strategic thinker: Works for long term solutions rather than the popular “stop gap” answers to problems.

* He is a firm believer in his precepts and is not hesitant to advocate these beliefs.

* He has no ‘baggage’: He has had no part in any activities that have been harmful to Maldivians – corruption, theft or deceit.

* He stands by his promises to the people: He has been loyal to Madavelians and true to his word. He has stood by his campaign promises.

* He is a leader: He is able to bring together people of different views and convictions, and able to get them to cooperate and to work together.

Am 4 PM

އަބްދުﷲ މުހައްމަދު ދުނިޔޭގެ އަލިކަން ދެކެލެއްވީ 6 ޖޫން 1965ގައި ގދ މަޑަވެލީގައެވެ. ގދ. ހޯނޑެއްދޫ އަލްމަރްހޫމް ހޮޅި މުހައްމަދާއި ގ.ދ މަޑަވެލީ މަރިޔަމް ހަސަންއަށް ލިބިފައިވާ ލިބިފައިވާ ދަރިންގެ ތެރެއިން އެންމެ ހަނގު ކުއްޖަކީ އަބްދުﷲ މުހައްމަދެވެ.
ޢަބްދުﷲ މުހައްމަދަކީ ޅައުމުރުއްސުރެ ތަޢުލީމަށް އިންތިހާއަށް ލޯބިކުރައްވާ މީހެކެވެ. ރަށްފުށުގައި އެދުވަސްވަރު ޙާޞިލުކުރެވެންހުރި އެންމެ މައްޗަށް ތަޢްލީމު ޙާޞިލުކުރެއްވިއެވެ. އެއަށްފަހު ޅައުމުރުގައި ތަޢްލީމު ޙާޞިލުކުރުމަށް ދަހިވެތިވެފައިވާ ޙާލު، ލިބިފައިވާ ތަޢްލީމު އެހެންމީހުނަށް އުނގަންނައިދިނެވެ. އަދި އެއަށްފަހު ތަޢްލީމު ޙާޞިލުކުރުމަށް މާލެ ހިޖުރަކުރެއްވިއެވެ. ސަރުކާރުން އެދުވަސްވަރުގައި ބޭއްވި އިމްތިޙާނުތަކުގައި ބައިވެރިވެ ކާމިޔާބުކަމާއެކު ގިނަ އަރުތަތަކެއް ޙާޞިލުކުރެއްވިއެވެ. އެއަށްފަހު ހިންގުމުގެ ދާއިރާއިން ރާއްޖެއާއި ރާއްޖެއިން ބޭރުން ތަޢްލީމު ޙާޞިލް ކުރެއްވިއެވެ.

ވަޒީފާގެ މައިދާނަށް ނުކުންނެވީ މިނިސްޓްރީ އޮފް އެޑިއުކޭޝަންގެ ކާތިބެއްގެ ގޮތުގައެވެ. މިގޮތުން 1981ވަނަ އަހަރުން ފެށިގެން 1988އާއި ހަމައަށް މިނިސްޓްރީ އޮފް އެޑިއުކޭޝަންގައި ވަޒީފާއަދާކުރެއްވިއެވެ. އެއަށްފަހު ސްޓޭޓް ޓްރޭޑިންގ އޯގަނައިޒޭޝަންގައި ވަޒީފާއަދާކުރެއްވިއެވެ. އަދި އެއަށްފަހު 1989ގައި އަމިއްލަ ކުންފުންޏެއްކަމުގައިވާ ސީޕްރިޔާ ޕްރައިވެޓް ލިމިޓެޑާއި ގުޅިލެއްވިއެވެ. އަދި މިހާރުވެސް ޢަބްދުﷲ މުޙައްމަދަކީ އެކުންފުނީގެ މުވައްޒަފެކެވެ.

އެރަށެއްގައި ޢަބްދުﷲ މުޙައްމަދު އުފަންވި ރަށް މަތިން ޢަބްދުﷲ މުޙައްމަދު ހަނދުމަފުޅު ނުނައްތަވައެވެ. މަޑަވެލީ ރައްޔިތުންގެ މެދުގައި އެކުވެރިކަމާއި އެއްބާރުލުން އިތުރުކުރުމަށް ޢަބްދުﷲ މުޙައްމަދު އިސްނަންގަވައިގެން ސަރަހައްދީ ފެންވަރުގެ ކުޅިވަރު ހަރަކާތްތަކެއް ވަނީ ހިންގަވާފައެވެ. މިގޮތުން ބޭއްވުނު ފުޓުބޯޅަ މުބާރާތްތަކުގައި ރާއްޖޭގެ ނަންމަޝްހޫރު ކުޅުންތެރިން މަޑަވެލީގެ ބިމުގައި ކުޅެ މަޑަވެލީގެ ކުދިންނަށް ފުޓުބޯޅައިގެ ހުނަރު ދަސްކޮށްދީފައިވެއެވެ. މިކަމަކީ މަޑަވެލީގެ ރައްޔިތުން ޝުކުރުވެރިކަމާއެކު ފާހަގަ ކުރާކަމެކެވެ.

މަޑަވެލީގެ ތަރައްގީއާއި ކުރިއެރުމަށް ޢަބްދުﷲ މުޙައްމަދު ޢަމަލީ ގޮތުންނާއި ފިކުރީގޮތުން ކޮށްދެއްވާފައިވާ ކަންތައްތަކަށް މަޑަވެލީގެ ރައްޔިތުން ހެކިވާނެއެވެ. މުޅި ރާއްޖެއަށް އައިސްފައިވާ ތަރައްޤީއާއި ތަހްޒީބާއި އިސްލާޙީ ކުރިއެރުމުގެ މިވަގުތުގައި ޢަބްދުﷲ މުޙައްމަދު މިނުކުންނަވަނީ ހަމައެކަނި މަޑަވެލީ ރައްޔިތުންގެ ޙައްޤުގައެއް ނޫނެވެ. މަޑަވެލި ދާއިރާގެ ޙައްޤުގައެވެ. މިދަނޑިވަޅުގައި މަޑަވެލި ދާއިރާއިން ރައްޔިތުންގެ މަޖްލީހަށް އިންތިޚާބުވާންވާނީ ފިސާރިކެރޭ ޒަމާނުގެ ގޮންޖެހުންތަކަށް ލޯހުޅުވިފައިވާ އިޚްލާޞްތެރި މީހެކެވެ. މަޑަވެލި ދާއިރާގެ އަޑު ރައްޔިތުންގެ މަޖްލީހަށް ފޯރުވައިދެއްވުމަށް ޢަބްދުﷲ މުޙައްމަދު ހުންނެވީ ތައްޔާރަށެވެ.

ރައްޔިތުންގެ އަޑު ހުރިހާ ގޮތަކުން އައްސަވަމުންގެންދާ ޙާލުގައި ޢަބްދުﷲ މުޙައްމަދު މިފަހަރުގެ ރައްޔިތުންގެ މަޖްލީހުގެ އިންތިޚާބަށް ކުރިމަތިލައްވައެވެ. ރައްޔިތުންގެ ތެރެއިން އިންތިޚާބަށް ކުރިމަތިލައްވާ ޢަބްދުﷲ މުޙައްމަދަށް ދެއްވާ ވޯޓަކީ މަޑަވެލި ދާއިރާގެ ހައްގުގައި ގެއްލިގެންދާނެ ވޯޓެއްނޫނެވެ